नेपालका पूर्व प्रधानमन्त्री माधवकुमार नेपाल, फेडरेसनका अध्यक्ष एकनाथ ढकालसहित डामिलानो इटालियाको सोरुममा पुगेका भाजपा नेता जोलीले डामिलानो ब्रान्डका दुई जोर जुत्ता खरिद गरेको सोरुमले जनाएको छ ।
काठमाडाैं : युनिभर्सल पिस फेडरेसनले काठमाडौंमा गर्न लागेको ‘द एसिया प्यासिफिक समिट २०१८’ मा भाग लिन आएका भारतीय जनता पार्टीका वरिष्ठ नेता विजय जोलीले दरबारमार्गस्थित डामिलानो इटालियामा सपिङ गरेका छन् ।
नेपालका पूर्व प्रधानमन्त्री माधवकुमार नेपाल, फेडरेसनका अध्यक्ष एकनाथ ढकालसहित डामिलानो इटालियाको सोरुममा पुगेका भाजपा नेता जोलीले डामिलानो ब्रान्डका दुई जोर जुत्ता खरिद गरेको सोरुमले जनाएको छ । उनीसँगै नेपालले पनि २ जोर सोही ब्रान्डका जुत्ता खरिद गरेका थिए ।
डामिलानो इटालियाका प्रबन्ध निर्देशक रुपेश पान्डेले भाजपाका नेता र पूर्वप्रधानमन्त्री अचानक सोरुममा आएर जुत्ता सपिङ गरेको बताए । ‘अरु सामानहरु पनि हेरेर जानकारी लिए पनि उहाँहरुले जुत्ता सपिङ गर्नुभयो,’ उनले भने ।
२० मिनेट सोरुममा बिताएका भाजपा नेता र पूर्व प्रधानमन्त्री नेपाललाई पान्डेले सोरुमको अवलोकन गराउँदै ब्रान्डका बारेमा जानकारी दिएका थिए ।
