नेपाल दूरसञ्चार प्राधिकरणको पछिल्लो तथ्याङ्कमा नेपालभर ब्रोडब्यान्डको पहुँच ५४ प्रतिशत पुगेको छ, जसमा फिक्स्ड ब्रोडब्यान्ड वायर्डको १० दशमलव ९२ प्रतिशत पुगेको छ भने वायरलेसतर्फ एक दशमलव २७ छ । त्यस्तै सबैभन्दा बढी मोबाइल ब्रोडब्यान्डतर्फ ४२ दशमलव ३१ प्रतिशत रहेको एनटीएले जानकारी दिएको छ ।
पछिल्लो समय मोबाइल ब्रोडब्यान्ड इन्टरनेटले गति लिँदै गएको छ । एक वर्षसम्मको अवधिमा मोबाइलमार्फत इन्टरनेट चलाउनेको पहुँच, फिक्स्ड ब्रोडब्यान्डको तुलनामा तीन गुणाले बढेको छ ।
नेपालमा अहिलेसम्म तीन सेवाप्रदायकले मात्र फोरजी सेवा उपलब्ध गराएका छन् । त्यसमध्ये नेपाल टेलिकम, एनसेलको बढी हिस्सा छ । गाउँगाउँमा फोरजीभन्दा थ्रीजीको पहुँच उल्लेख्य रुखमा छन्, जसकारण नेपालमा मोबाइलमार्फत इन्टरनेट चलाउने बढ्दै गएका छन् ।
नेपाल दूरसञ्चार प्राधिकरणको पछिल्लो तथ्याङ्कमा नेपालभर ब्रोडब्यान्डको पहुँच ५४ प्रतिशत पुगेको छ, जसमा फिक्स्ड ब्रोडब्यान्ड वायर्डको १० दशमलव ९२ प्रतिशत पुगेको छ भने वायरलेसतर्फ एक दशमलव २७ छ । त्यस्तै सबैभन्दा बढी मोबाइल ब्रोडब्यान्डतर्फ ४२ दशमलव ३१ प्रतिशत रहेको एनटीएले जानकारी दिएको छ ।
अहिले नेपालभरबाट ब्रोडब्यान्ड इन्टरनेट प्रयोग गर्ने एक करोड ५९ लाख चार सय ४५ छन् । यसमध्ये फिक्स्ड ब्रोडब्यान्ड सेवामा एडीएसएल, केबल र लेन्समार्फत इन्टरनेट प्रयोग गर्ने ३१ लाख ९९ हजार पाँच सय ८४ पुगेका छन् । प्राधिकरणको असोज महिनाको एमआईएस रिपोर्टमा फिक्स्ड ब्रोडब्यान्ड वायरलेसतर्फ तीन लाख ७१ हजार ४६ जना पुगेका छन् ।
नेपालमा पछिल्ला वर्षमा उल्लेख्य रूपमा मोबाइल ब्रोडब्यान्ड चलाउने बढेका छन् । चार सेवाप्रदायक कम्पनीका कुल मोबाइल इन्टरनेट प्रयोग गर्ने एक करोड २३ लाख ९२ हजार आठ सय १५ पुगेका छन् । त्यसमा पनि नेपाल टेलिकम र एनसेलक थ्रीजीमार्फत ब्रोडब्यान्ड इन्टरनेट चलाउने एक करोड एक लाख ३२ हजार दुई सय ८९ जना छन् । त्यसैगरी फोरजी प्रयोगकर्ता २० लाख ६० हजार सात सय ५० र इभ्डोमार्फत एक लाख ९९ हजार सात सय ७६ जना पुगेको तथ्याङ्कले देखाएको छ ।
यस आधारमा हेर्ने हो भने नेपालमा इन्टरनेटको प्रयोग मासिक एक प्रतिशतले मात्र बढ्दै गएको देखिन्छ । गत भदौमा देशभरबाट ब्रोडब्यान्ड इन्टरनेट चलाउने ४१ प्रतिशत थियो । सङ्ख्यात्मक हिसाबमा हेर्ने हो भने मासिक चार लाखको सङ्ख्यामा इन्टरनेट प्रयोगकर्ता बढेका छन् । भदौमा एक करोड ५५ लाख ५८ हजार आठ सय ४४ जना थिए ।
टेलिकमले एक वर्षभित्र देशभर फोरजी सेवा विस्तार गर्ने योजना बनाइरहेको छ । यसका लागि टेन्डर आह्वान भई दुई चिनियाँ कम्पनीलाई फोरजीका लागि छनोट गरिसकेको छ ।
