हाल नेपालमा युवादेखि उमेर ढल्केका उमेरसमूहका मानिसले यी बाइक रोजेको व्यवसायीकै भनाइ छ । विशेषगरी १५० सीसीका बाइकहरू हेर्दा आकर्षक देखिन्छन् । पिकअप राम्रो तथा चलाउन सजिलो, माइलेज, इन्जिन, लुक्सका कारण एक सय ५० देखि १६० सीसी क्षमताका यी बाइक उत्कृष्ट छन् ।
नेपालमा महिनैपिच्छे एक न एक कम्पनीका धमाकेदार बाइक भित्रिने गरेका छन् । बिक्छन् पनि । तर नेपालमा सबैभन्दा धेरै बिक्री हुने बाइक भनेको १५० सीसीका बाइक नै हुन् ।
हाल नेपालमा युवादेखि उमेर ढल्केका उमेरसमूहका मानिसले यी बाइक रोजेको व्यवसायीकै भनाइ छ । विशेषगरी १५० सीसीका बाइकहरू हेर्दा आकर्षक देखिन्छन् । पिकअप राम्रो तथा चलाउन सजिलो, माइलेज, इन्जिन, लुक्सका कारण एक सय ५० देखि १६० सीसी क्षमताका यी बाइक उत्कृष्ट छन् ।
टीभीएस अपाचे आरटीआर–१६०
टीभीएस अपाचे बाइक रेसर बाइक भएका कारण यसमा उच्च पिकअप क्षमता हुन्छ । यसको आकर्षक डिजाइन अर्को विशेषता हाे । १५९ सीसी इञ्जिन क्षमता भएको यो बाइकले ८५०० आरपीएममा १५.२१ पीएस पावर जेनेरेट गर्छ ।
४० किलोमिटर माइलेज दिने यो बाइकमा पाँच गियरको गियर बक्स दिइएको छ । यो बाइकको मूल्य नेपाली बजारमा दुई लाख ३५ हजार रुपैयाँ छ ।
यामाहा एफजेडएस–१५०
यामाहा एफजेडएस(१५० स्टाइलिस लुक्सका कारण नेपालमा लोकप्रिय बाइक बन्न सफल भएको छ । फराकिलो टायर तथा मोटो बडीमा आकर्षक हेडलाइटले यसको लुक्सलाई झनै राम्रो देखाएको छ ।
फराकिलो टायरकै कारण यो बाइक चलाउन आरामदायी पनि छ । १४९ सीसीको इञ्जिन क्षमता रहेको यो बाइकले ८००० आरपीएममा १३.२ पीएस पावर जेनेरेट गर्छ । ४० किलोमिटर प्रतिलिटर माइलेज रहेको यो बाइकमा पाँच स्पीडको गियर बक्स छ । ट्यूबलेस टायर दिइएको यो बाइकको नेपाली बजारमा दुई लाख ६४ हजार रुपैयाँ पर्छ ।
बजाज पल्सर–१५०
आकर्षक आवरण तथा चलाउन आरामदायी भएकै कारण पल्सर १५० बाइक लोकप्रिय बनेको छ । १४९ सीसी इञ्जिन क्षमता रहेको यो बाइकले ८००० आरपीएममा १४ पीएस पावर जेनेरेट गर्छ ।
प्रतिलिटर ४५ किलोमिटर माइलेज रहेको यो बाइकमा ५ स्पीडको गियर बक्स छ । साथै, ट्यूबलेस टायर दिइएको यो बाइकको नेपाली बजारमा २ लाख ३४ हजार रुपैयाँ छ ।
होन्डा हर्नेट–१६०
होन्डाको यो बाइक आकर्षक लुक्सका कारण नेपाली बजारमा रुचाइएको बाइकमा परेको छ । कम्पनीले होन्डा हर्नेट(१००० सीसीको अवधारणामा यो हर्नेट(१६० निर्माण गरेको हो ।
१६२ सीसी इञ्जिन क्षमता भएको यो बाइकले ८५०० आरपीएममा १५.२५ पीएस पावर जेनेरेट गर्दछ । ४० किलोमिटर माइलेज रहेको यो बाइकमा पाँच गियरको गियर बक्स दिइएको छ । यो बाइकको मूल्य नेपाली बजारमा दुई लाख ६७ हजार ९०० रुपैयाँ छ ।
सुजुकी जिक्सर
नेपाली बजारमा सुजुकी जिक्सर पनि लोकप्रिय नै छ । १५४ सीसी इञ्जिन क्षमता भएको यो बाइक ८००० आरपीएममा १४.५९ बीएचपी पावर जेनेरेट गर्छ ।
पाँच स्पीडको गियर बक्स रहेको यो बाइकले प्रतिलिटर ६४ किलोमिटर माइलेज दिने कम्पनीको दाबी छ । यो बाइकको मूल्य दुई लाख ६२ हजार ९०० रुपैयाँ छ ।
