२०७३ साल पुस २१ गते विमानस्थलबाट नेपाल प्रहरीको केन्द्रीय अनुसन्धान ब्युरो सीआईबीले बरामद गरेको ३३ किलो सुन काण्डमा निलम्बनमा परेका श्रेष्ठको अनुसन्धानका लागि अख्तियारलाई जिम्मा लगाइएको थियो ।
काठमाडौं । ३३ किलो सुन काण्डमा निलम्बनमा परेका विमानस्थल भन्सार कार्यालयका रेडियो अपरेटर श्यामकृष्ण च्वामु श्रेष्ठको पूरै परिवारका नाममा मुद्दा दायर भएको छ ।
अख्तियार दुरुपयोग अनुसन्धान आयोगले मङ्गलबार श्यामकृष्ण च्वामु श्रेष्ठसहित उनका बाबुआमा, भाइबुहारी र २ जना श्रीमती गरी ७ जनाका नाममा विशेष अदालतमा भष्ट्राचार मुद्दा दायर गरेको हो ।
२०७३ साल पुस २१ गते विमानस्थलबाट नेपाल प्रहरीको केन्द्रीय अनुसन्धान ब्युरो सीआईबीले बरामद गरेको ३३ किलो सुन काण्डमा निलम्बनमा परेका श्रेष्ठको अनुसन्धानका लागि अख्तियारलाई जिम्मा लगाइएको थियो ।
श्रेष्ठले गैरकानुनी तवरले सम्पत्ति आर्जन गरी परिवारका सदस्यका नाममासमेत लुकाएको भेटिएको आयोगका प्रवक्ता रामेश्वर दङ्गालले बताए । ३३ किलो सुन तस्करीको अनुसन्धानका सिलसिलामा श्रेष्ठलाई २०७३ पुस २७ गते निलम्बन गरिएको थियो ।
श्रेष्ठले १४ करोड ६१ लाख २४ हजार ४ सय ७८ रुयैयाँको स्रोत देखाउन नसकेपछि त्यति नै बिगो मागदाबीसहित अख्तियारले विषेशमा मुद्दा दायर गरेको हो ।
श्रेष्ठले जेठी श्रीमती तारादेवी श्रेष्ठ, कान्छी श्रीमती रेखा श्रेष्ठ, बुवा ज्ञानकृष्ण श्रेष्ठ, आमा चन्द्रदेवी च्वामु श्रेष्ठ, भाइ रामकृष्ण श्रेष्ठ र भाइबुहारी रविना प्रधानाङ्गका नाममा सम्पत्ति लुकाएको अख्तियारको अनुसन्धानमा देखिएको छ ।
उनीहरुका नाममा रहेको स्रोत नखुलेको चलअचल सम्पत्ति साविक भ्रष्टाचार निवारण ऐन, २०१७ को दफा १६९ग० तथा दफा २९ एवम् प्रचलित भ्रष्टाचार निवारण ऐन, २०५९ को दफा २० को उपदफा २ तथा दफा ४७ र अख्तियार दुरुपयोग अनुसन्धान आयोग ऐन, २०४८ को दफा २९९ख० बमोजिम जफत गर्नु पर्ने भन्दै परिवारका सदस्यलाईसमेत प्रतिवादी कायम गरिएको अख्तियारले जनाएको छ ।
