दोस्रो किस्ता वितरणका लागि आवश्यक पर्ने ३७ अर्ब रुपैयाँ सहायता गर्ने विषयमा मौखिक आश्वासन पाएको प्राधिकरणका प्रमुख कार्यकारीस् अधिकृत (सीईओ) युवराज भूषालले जानकारी दिए । कुल ३७ अर्ब अपुग हुन्छ’ उनले भने, ‘अपुग रकम अर्थले दिने विषयमा मौखिक आश्वासन दिएको छ ।’
राष्ट्रिय पुन निर्माण प्राधिकरणले अपुग ३७ अर्ब रुपैयाँ अर्थ मन्त्रालयसँग माग गरेको छ । नयाँ थपिएका निजी आवास तथा पुननिर्माणका लागि ३७ अर्व खर्च थपिएपछि प्राधिकरणले मन्त्रालयसँग उक्त रकम माग गरेको हो ।
प्राधिकरणको मागबमोजिम अर्थ मन्त्रालयले सार्वजनिक गरेको आर्थिक बर्ष २०७४÷०७५ को अर्धबार्षिक समिक्षा प्रतिवेदनमा पुननिर्माणका लागि ३७ अर्ब नेपाल सरकारको स्रोततर्फ थप बजेट आवश्यक पर्ने उल्लेख छ ।
भूकम्पबाट क्षति भएका निजी आवासको पुननिर्माणका लागि नेपाल सरकारबाट लाभग्राहीलाई पहिलो किस्तामा ५० हजार, दोस्रो किस्तामा १ लाख ५० हजार र तेस्रो किस्तामा १ लाखका दरले तीन किस्तामा अनुदान दिने व्यवस्था गरिएको छ ।
दोस्रो किस्ता वितरणका लागि आवश्यक पर्ने ३७ अर्ब रुपैयाँ सहायता गर्ने विषयमा मौखिक आश्वासन पाएको प्राधिकरणका प्रमुख कार्यकारीस् अधिकृत (सीईओ) युवराज भूषालले जानकारी दिए । कुल ३७ अर्ब अपुग हुन्छ’ उनले भने, ‘अपुग रकम अर्थले दिने विषयमा मौखिक आश्वासन दिएको छ ।’
उनले साढे २८ अर्ब एक साताभित्र उपलव्ध गराउने र बाँकी रकम त्यसपछि दिने बताए । भूकम्प अति प्रभावित १४ जिल्ला र प्रभावित १७ जिल्लामा दोस्रो किस्ता रकम वितरण भइरहेको प्राधिकरणले जनाएकोे छ ।
राष्ट्रिय पुननिर्माण प्राधिकरणका प्रवक्ता यमलाल भूसालका अनुसार, अर्थमन्त्रालयको अर्धबार्षिक बजेट समक्षिमा पुननिर्माणमा अपुग रकमको विषयमा खुलाएको बताए । ‘दोस्रो र तेस्रो किस्ता वितरणका लागि थप ३७ अर्ब आवश्यक पर्छ ।’ उनले भने, ‘अर्थ मन्त्रालयले अर्थबार्षिक बजेट समिक्षमा उल्लेख गरी सहयोग गर्ने भएको छ ।’ उनले अपुग रकम अर्थ मन्त्रालयले चार महिनाभित्र उक्त रकम उपलव्ध गराउने बताए ।
प्राधिकरणले दोस्रो किस्ता दोस्रो किस्ताबाट बञ्चित भएका भूकम्प पिडितलाई दोस्रो किस्ता छिटो भन्दा छिटो लिनुपर्ने जनाएको छ । प्राधिकरणले पहिलो किस्ता लिएर घर नबनाउने भूकम्प पिडीतलाई लाभग्राहीसुचीबाट नाम हटाई कानुनी कारबाही गरिने जनाइएको छ ।
अहिले निजी आवास पुनर्निर्माणका लागि झन्डै ५६ हजार कामदार भूकम्प प्रभावित जिल्लामा खटिएका छन् । प्राधिकरणले पुननिर्माणलाई गति दिन ४१ हजार निर्माणकमी थप गर्न लागेको छ ।