यस नयाँ सही डाटा प्याकमा ग्राहकले सुलभ दरमा चौबीसै घण्टा इन्टरनेटका साथै बोनसस्वरूप दैनिक एक घण्टा निःशुल्क भिडियोको मजा पनि लिन सक्ने कम्पनीले जनाएको छ ।
एनसेलले ‘सही डाटा प्याक’ बजारमा ल्याएको छ । यस नयाँ सही डाटा प्याकमा ग्राहकले सुलभ दरमा चौबीसै घण्टा इन्टरनेटका साथै बोनसस्वरूप दैनिक एक घण्टा निःशुल्क भिडियोको मजा पनि लिन सक्ने कम्पनीले जनाएको छ ।
सही डाटा प्याक आउँदो बिहीबारदेखि देशैभर लागू हुनेछ । कम्पनीले डाटा योजनाअन्तर्गत एनसेलका ग्राहकले आधा जीबीदेखि १५ जीबीसम्मको १ दिनदेखि ३० दिनसम्मको समयावधिका चौबीसै घण्टा चलाउन सकिने अल टाइम डाटा प्याकहरू ३९ देखि ७ सय ९९ रुपैयाँसम्ममा सुचारु गर्न सक्ने कम्पनीले बताएको छ ।
त्यसैगरी तीनदिन समयावधि रहेको १.५ जीबी डाटा करसहित ९९ रुपैयाँ, सात दिन समयावधि रहेको ३.५ जीबी डाटा करसहित १ सय ९९ रुपैयाँ र ३० दिन समयावधि रहेको १५ जीबी डाटा करसहित ७ सय ९९ रुपैयाँमा सुचारु गर्न सकिने छ । यो योजना सुचारु भएको दिनदेखि ९० दिनका लागि मान्य रहनेछ ।
