‘हामी उपभोक्ताको स्वाथ्यका लागि गम्भीर छौं,’ अध्यक्ष अग्रवालले भने, ‘मिसावट गरेको पाइएमा हामी पनि त्यो उद्योगलाई कार्बाही गर्न सहयोग गर्छौं ।’ गत वर्षभन्दा यस वर्ष चिनीको उत्पादन बढी भएको र दसैं, तिहारको मुखमा बिक्री कम भएकाले स्टकमा धेरै चिनी रहेको बताए । त्यही स्टक चिनी उद्योगीले घाटा खाएर भए पनि बिक्री गरिएको उनको भनाइ छ । तर, बजारमा नकारात्मक हल्ला फैलिएको बताए ।
बजारमा गुणस्तरहीन चिनी बिक्री गरेको भन्दै सार्वजनिक लेखा समितिको बैठकमा ल्याब टेस्टको आवाज उठिरहेका बेला चिनी उत्पादक सङ्घले भने कुनै मिसावट नभएको स्पष्टीकरण दिएको छ । चिनी उत्पादक सङ्घका अध्यक्ष शशिकान्त अग्रवालले कुनै पनि मिसावट नभएको र मिसावट भएको पाइएमा १० वर्षसम्म उद्योग बन्द गरिदिन सरकारलाई अनुरोध गरेका छन् ।
‘हामी उपभोक्ताको स्वाथ्यका लागि गम्भीर छौं,’ अध्यक्ष अग्रवालले भने, ‘मिसावट गरेको पाइएमा हामी पनि त्यो उद्योगलाई कार्बाही गर्न सहयोग गर्छौं ।’ गत वर्षभन्दा यस वर्ष चिनीको उत्पादन बढी भएको र दसैं, तिहारको मुखमा बिक्री कम भएकाले स्टकमा धेरै चिनी रहेको बताए । त्यही स्टक चिनी उद्योगीले घाटा खाएर भए पनि बिक्री गरिएको उनको भनाइ छ । तर, बजारमा नकारात्मक हल्ला फैलिएको बताए ।
हाल उद्योगीहरुसँग ८० हजार मेट्रिक टन चिनी स्टक रहेको जनाइएको छ । अबको दुई महिनापछि चिनी उत्पादन सुरु हुने भएकाले प्रतिकिलो पाँचदेखि सात रुपैयाँ घाटा बेहोरेर चिनी बिक्री गरिरहेको अध्यक्ष अग्रवालको भनाइ छ । उद्योगीले घाटा खाएर सस्तोमा चिनी बेचेकै कारण भारतबाट आयात गरिएको आरोप आफूहरुलाई लागेको बताउँदै त्यसमा सत्यता नभएको बताए ।
दसैं, तिहार र छठपर्वको मौकामा उद्योगीले महँगोमा उपभोक्तालाई चिनी बिक्री गरेको भन्दै केही दिनअघिदेखि लेखा समितिले यस विषयमा छलफल गरिरहेको छ । चाडबाडको मौकामा उपभोक्तालाई गुणस्तरहीन चिनी बिक्री गरेको भन्दै अधिकांश सदस्यहरुले ल्याब टेस्ट गर्न सरकारसँग माग गरेका थिए ।
लेखा समितिका सदस्य हृदयश त्रिपाठीले उपभोक्ताको स्वास्थ्यमा गम्भीर असर पर्ने गरी चिनीमा मिसावट भएको हुन सक्ने भन्दै ल्याब टेस्ट गर्न सरकारलाई निर्देशनसमेत दिएका छन् । चिनी उद्योगीहरुले भारतबाट सस्तो मूल्यमा कमसल चिनी ल्याएर नेपाली बजारमा बिक्री गरेको उनको आरोप छ ।
भारतबाट चिनी ल्याएर नेपाली उद्योगको बोरामा प्याकिङ गरी बिक्री गरेको भन्दै त्यसप्रति गम्भीर भएर अनुगमन गर्न सम्बन्धित निकायलाई अनुरोध गरिसकेको लेखा समितिका सदस्य प्रेमबहादुर आलेको भनाइ छ । ‘अहिले बजारमा ६०देखि तीन सय १३ रुपैयाँ प्रतिकिलो पर्ने चिनी बजारमा छ,’ सदस्य आलेले भने, ‘त्यसको गुणस्तर मापन गर्न आवश्यक छ ।’
