नोकरीबाट अवकाश हुँदा प्राप्त गरेको आर्थिक सुविधा २९ लाख २२ हजार ६९८, पेन्सनबाट १४ लाख ७८ हजार ४८२, विप्रेषण आयबाट ८ लाख २६ हजार ९१३, सवारी बिक्रीबाट ३५ लाख, छोराबुहारीको पारिश्रमिकबाट ११ लाख ४ हजार गरी कूल ७ करोड ४४ लाख ५६ हजार २५२ रुपैयाँ मात्रै रहेको छ ।
काठमाडौं । अख्तियार दुरुपयोग अनुसन्धान आयोगले तत्कालीन नेपाल आयल निगमका प्रवन्ध निर्देशक गोपाल खड्का बिरुद्ध विशेष अदालतमा मुद्दा दायर गरेको छ । अख्तियारले खड्का विरुद्ध १८ करोड ६६ लाख बिगो दाबी सहित मुद्दा दायर गरेको हो ।
नेपाल आयल नियममा रहदा खड्काले अकुत सम्पत्ति कमाएको भन्दै आयोगले छानबिन थालेको थियो । आयोगको छानबिनमा खड्काले १८ करोड ६६ लाख रुपैयाको स्रोत नदेखिएको भन्दै विषेशमा मुद्दा दायर गरेको आयोगका प्रवक्ता रामेश्वर दङ्गालले जानकारी दिए ।
उनका अनुसार २०६९ साल चैत २ गतेदेखि अनुसन्धान अवधिसम्ममा खड्काले पारिश्रमिकबाट जम्मा ४० लाख ५७ हजार १५५ रुपैयाँ आम्दानी गरेका थिए । यस्तै ४७ जग्गा बिक्रीबाट ५८ लाख ७५ हजार, ऋण सापटीबाट ५ करोड ३३ लाख ३६ हजार र घर भाडाबाट १३ लाख ५६ हजार रुपैयाँ आम्दानी भएको देखिन्छ ।
यस्तै नोकरीबाट अवकाश हुँदा प्राप्त गरेको आर्थिक सुविधा २९ लाख २२ हजार ६९८, पेन्सनबाट १४ लाख ७८ हजार ४८२, विप्रेषण आयबाट ८ लाख २६ हजार ९१३, सवारी बिक्रीबाट ३५ लाख, छोराबुहारीको पारिश्रमिकबाट ११ लाख ४ हजार गरी कूल ७ करोड ४४ लाख ५६ हजार २५२ रुपैयाँ मात्रै रहेको छ ।
खड्का सार्वजनिक सेवामा प्रवेश गरेदेखि २०६९ साल चैत २ गतेसम्ममा देखिएको विभिन्न शीर्षकको आय १ करोड २० लाख १३ हजार ४९९ समेत गरी ८ करोड ६४ लाख ६९ हजार ७५१ रुपैयाँ आयआर्जन गरेको देखिएको आयोगले जनाएको छ ।
आयोगका अनुसार अनुसन्धान अवधिसम्ममा खड्काले पुख्र्यौली घरबाहेक नै तीन वटा घर निर्माण तथा खरीद गरेको दुई वटा घर खरीदका लागि आंशिक भुक्तानीसमेत दिइसकेको पाइएको छ ।
