अन्तर्राष्ट्रिय विमानस्थलमा हवाई ट्राफिकको चाप बढ्दै जानु, अध्यागमनमा कर्मचारी नहुँदा पर्यटकले घण्टौंसम्म दुःख पाउनु, विमानस्थलभित्र पार्किङको समस्या हुनु, शौचालय पर्याप्त नहुनु, लगेज ल्याउन ढिला हुनु, लगेज हराउनुलगायत समस्या छन् । ती समस्याको समधानका लागि र यात्रुको गुनासो सुन्न मन्त्री अधिकारी विमानस्थलमा कार्यालय नै खोलेर बस्न लागेका हुन् ।
त्रिभुवन अन्तर्राष्ट्रिय विमानस्थल सुधारका लागि संस्कृति, पर्यटन तथा नागरिक उड्डयनमन्त्री रवीन्द्र अधिकारीले विमानस्थलमै कार्यकक्ष राख्ने भएका छन् । विमानस्थलको विषयमा बढ्दै गएको गुनासो र त्यसको सुधारका लागि मन्त्री अधिकारीले विमानस्थल कार्यालयमै आफ्नो कार्यकक्ष बनाउन लागेका हुन् । अधिकारी पर्यटनमन्त्री भएपश्चात् आफ्नो कार्ययोजनामा त्रिभुवन विमानस्थललाई सुधार गर्ने प्राथमिकतामा राखेका छन् ।
मन्त्री भएपछि विमानस्थल निरीक्षण गर्न पुगेका अधिकारीले विमानस्थलमा व्यापक सुधार गर्नुपर्ने भएकाले दैनिक पुग्ने र केही घण्टा बस्नका लागि कार्यकक्ष नै बनाउने योजना बनाएको विमानस्थल कार्यालयले जानकारी दिएको छ । मन्त्री अधिकारीले विमानस्थलमा पनि नियमित आउने र केही समय बिताउने योजना बनाएको विमानस्थल कार्यालयका महाप्रबन्धक राजकुमार क्षेत्रीले बताए । ‘विमानस्थल सुधारका लागि मन्त्री आउने र बस्ने योजना बनाउनुभएको छ, त्यसका लागि उहाँको कार्यकक्ष बन्नेछ,’ उनले भने ।
अन्तर्राष्ट्रिय विमानस्थलमा हवाई ट्राफिकको चाप बढ्दै जानु, अध्यागमनमा कर्मचारी नहुँदा पर्यटकले घण्टौंसम्म दुःख पाउनु, विमानस्थलभित्र पार्किङको समस्या हुनु, शौचालय पर्याप्त नहुनु, लगेज ल्याउन ढिला हुनु, लगेज हराउनुलगायत समस्या छन् । ती समस्याको समधानका लागि र यात्रुको गुनासो सुन्न मन्त्री अधिकारी विमानस्थलमा कार्यालय नै खोलेर बस्न लागेका हुन् । मन्त्री अधिकारीले गत चैत ११ गते विमानस्थललाई २१ घण्टा सञ्चालन गराउने घोषणा गरिसकेका छन् ।