२०७४ का लोकप्रिय कार

- क्यापिटल नेपाल

३० चैत्र २०७४, शुक्रबार १२:२६

नेपाली बजारमा अहिले साना, ठूला, महँङ्गा र सस्ता जुनसुकै किसिमका गाडी भित्रन थालेका छन् । बजारमा केही वर्ष अघिसम्म विलासिताको साधनको रुपमा लिइने कार अहिले अत्यावश्यक साधन बन्दै गएको छ ।

नेपाली बजारमा सुविधासम्पन्न कारको माग दिनानुदिन बढ्दै गएको छ । नेपाली बजारमा अहिले साना, ठूला, महँङ्गा र सस्ता जुनसुकै किसिमका गाडी भित्रन थालेका छन् । बजारमा केही वर्ष अघिसम्म विलासिताको साधनको रुपमा लिइने कार अहिले अत्यावश्यक साधन बन्दै गएको छ । नेपाली अटोमोबाइल्स व्यवसाय पनि बढ्दै छन् । नेपालमा विशेषगरी भारतलगाएत तेस्रो मुलुकबाट साना ठूला कार आयात हुने गरेका छन् । नेपालमा सबैभन्दा बढी राजस्व पनि अटोमोबाइल्स क्षेत्रबाट नै उठ्ने गरेको छ ।

अहिले नेपालमा १३ लाखदेखि ४–५ करोड रुपैयाँसम्म पर्ने कार पाइन्छन् । तीमध्ये बजारमा सस्ता गाडी बढी बिक्री हुन थालेका छन् । हुन्डाई, टाटा, निसान, मारुति, महिन्द्रा, सुजुकी कम्पनीका कार बढी भित्रिने र उपभोक्ताले रुचाएका ब्रान्डमध्ये पर्छन् । मुलुकमा २०७४ भरि आयात भएका लोकप्रिय कार यस्ता छन् ।

एसयूभी निसान टेरानो

नेपाली अटोबजारमा भर्खरै भित्रिएको निसानको टेरानोले निकै चर्चा बटुलेको छ । एसयूभीको बजार बढेसँगै प्रतिस्पर्धात्मक बनेको यो सेग्मेन्टमा टेरानोको आगमनले अटो बजारलाई निकै तताएको छ । नेपालमा मात्र होइन विश्वभर जापनी ब्रान्ड निसानलाई बलियो र आरामदायी कारका रुपमा लिने गरिएको छ । यसका विशेषता हेरौं :

इन्जिन क्षमता : १६०० सीसी
पावर : ७७ किलोवाट
माइलेज : प्रतिलिटर १६.०६ किलोमिटर
इन्धन क्षमता : ५० लिटर
मूल्य : ४२ लाख ९९ हजार रुपैयाँ

सुजुकी सेलेरियो एक्स

करिब दुई महिनाअघि सुजुकीको नयाँ ब्रान्ड सेलेरियो नेपाली बजारमा आएको हो । दुई महिनाको अवधिमा यसले पनि ठूलै सफलता पाएको छ । बजेटका हिसाबले कम तथा वहुउपयोगी यो कार नेपालीमाझ निकै लोकप्रिय छ ।