टीबीआई गु्रपअन्तर्गतको बीबी एयरवेजले नेपाल एयरलाइन्सको जहाज खरिद गरे पनि बीबी एयरवेजसँग वायुसेवा सञ्चालन अनुमतिपत्र खारेज भएका कारण स्वामित्व भने हस्तान्तरण भएको छैन ।
नेपाल एयरलाइन्समार्फत बीबी एयरवेजले खरिद गरेको बोइङको व्यवस्थापन २ महिनाभित्र गर्न त्रिभुवन अन्तर्राष्ट्रिय विमानस्थलले बीबी एयरवेजलाई निर्देशन दिएको छ ।
नेपाल एयरलाइन्सको ३० वर्ष पुरानो जहाज बीबी एयरवेजले १५ करोड १७ लाखमा खरिद गरे पनि जहाज विमानस्थलमै पार्किङ मात्र गरेर राखेको भन्दै व्यवस्थापन गर्न र नगरे काटेर हटाउने भन्दै विमानस्थल कार्यालयले बीबी एयरवेजलाई समयसीमा दिएको हो ।
‘हामीले बीबी एयरवेजलाई जहाज व्यवस्थापन गर्न दुई महिनाको समयसीमा दिएका छौं,’ विमानस्थल कार्यालयका महाप्रबन्धक राजकुमार क्षेत्रीले भने । नेपाल नागरिक उडड्यन प्राधिकरण, विमानस्थल कार्यालय र बीबी एयरवेजबीच एकसाताअघि मिटिङ गरेर जहाज व्यवस्थापनका लागि सयमसीमा दिइएको उनले बताए । ‘समयसीमाभित्र जहाज व्यवस्थापन नभए विमानस्थल कार्यालयले आफ्नै तरिकाले व्यवस्थापन गर्छ,’ उनले भने ।
टीबीआई गु्रपअन्तर्गतको बीबी एयरवेजले नेपाल एयरलाइन्सको जहाज खरिद गरे पनि बीबी एयरवेजसँग वायुसेवा सञ्चालन अनुमतिपत्र खारेज भएका कारण स्वामित्व भने हस्तान्तरण भएको छैन ।
विमानस्थलमा साढे दुई वर्षदेखि ग्राउन्डेड बोइङ ७५७–२०० जहाज गत असोजमा खरिदका लागि बैना गरेर गत माघमा पुरा रकम भुक्तान गरेको थियो ।
दुई महिनाभित्र जहाज व्यवस्थापन हुने टीबीआई गु्रपका निर्देशक शिशिर भट्टले बताए । ‘हामीलाई दुई महिनाको समयसीमा छ, त्यतिबेलासम्म हामीले जहाज व्यवस्थापन गर्छाैं,’ उनले भने ।
