असन्तुष्ट भएका विषयहरु निगममा बसेर छलफल गर्न आफूहरु तयार रहेको बताउँदै लामो समयसम्म बिदामा बस्दा आर्थिक भार पर्ने भएकोले हायर एन्ड फायरको नीतिमा जान बाध्य हुने जानकारी दिए ।
काठमाडौं । काम गर्न अटेर गर्ने नेपाल एयरलाइन्सका पाइलट माथि निगम व्यवस्थापनले ‘हायर एन्ड फायर’को नीति लागू गर्ने भएको छ ।
दुई जना सिनियर पाइलट ४१ दिनदेखि काममा नफर्केको र अब तत्काल काममा नफर्के सधैंका लागि बिदा गर्ने तयारीमा रहेको नेपाल वायुसेवा निगमका कार्यकारी अध्यक्ष मदन खरेलले जानकारी दिए ।
उनले ती दुई जना पाइलटलाई पटक–पटक काममा फर्कन अनुरोध गरेको बताउँदै अटेर गरेर बसे सधैका लागि बिदा गर्ने सोचमा आफूहरु पुगेको बताए ।
असन्तुष्ट भएका विषयहरु निगममा बसेर छलफल गर्न आफूहरु तयार रहेको बताउँदै लामो समयसम्म बिदामा बस्दा आर्थिक भार पर्ने भएकोले हायर एन्ड फायरको नीतिमा जान बाध्य हुने जानकारी दिए ।
याे पनि पढ्नुस: खर्च घटाउँदै निगम, लाइन मेन्टेनेन्सको काम आफै गर्दै
निगमका दुई जना सिनियर पाइलट सञ्जय बादे र नेपेन्द्र भट्टराईले आफूभन्दा जुनियर पाइलटलाई ए–३२० को प्रशिक्षणमा पठाएको भन्दै पुस २९ गते (जनवरी १३) बाट बिरामी बिदामा बसेका थिए । निगमले वाई १२ जहाज उडान गरिरहेका उद्धव घिमिरेलाई ए ३२० जहाजको उडान तालिममा पठाएसँगै ४ वटै वाई १२ ग्राउन्डेड भएका हुन् । उनीहरु बिदामा बसेकै कारण आन्तरिक तर्फको ४ वटै जहाज ग्राउन्डेड छन् ।
