१५ जना जुनियर क्याप्टेन माग गरिएकोमा ३ जनाको मात्रै आवेदन परेको निगम श्रोतको भनाइ छ ।
काठमाडौं । नेपाल वायुसेवा निगमले यो पटक पनि पूर्णरुपमा क्याप्टेन नपाउने भएको छ । एकैपटक ५० जना क्याप्टेनका लागि आवेदन खुला गरेको निगममा २६ जनाले मात्र आवेदन दिएका छन् ।
निगमले सूचना प्रकाशन गरी १३ जना सिनियर क्याप्टेन माग गरेमा १ जनाको मात्रै आवेदन परेको छ । यस्तै १५ जना जुनियर क्याप्टेन माग गरिएकोमा ३ जनाको मात्रै आवेदन परेको निगम श्रोतको भनाइ छ । यसैगरी सिनियर को–पाइलट ९ जनाको लागि सूचना जारी गरिएकोमा ६ जनाले मात्र आवेदन दिएका छन् भने १३ जना जुनियर को–पाइलटमा भने १६ जनाले आवेदन दिएका छन् ।
निगमले आफूसँग हाल भएको जहाजहरु पाइलट अभावकै कारण उडाउन समस्या भएको बताउँदै आएको छ ।
पाइलट अभाव भएपछि निगमका महाप्रबन्धक सुगतरत्न कंसकारले पनि आवेदन खुलाएका थिए । त्यो बेलापनि पर्याप्त मात्रामा पाइलटले आवेदन दिएका थिएनन् ।