‘प्राधिकरणले १४ जिल्लामा ‘पुन मूल्याङ्कन’ गरेर लाभग्राही सूचीमा परेकालाई मात्र विभिन्न किस्ता वितरण गरेको छ’ उनले भने, ‘गुनासाहरु व्यवस्थापनका लागि प्राधिकरणले ठोस निर्णय लिन्छ।’ उनले हालसम्म ३ लाख ३२ हजार भन्दा बढि घर निर्माण हुँदै गरेको र १ लाख भन्दा बढि घर निर्माण भइसकेको बताए ।
राष्ट्रिय पुननिर्माण प्राधिकरणमा गुनासा दर्ता गर्ने भूकम्प पीडितहरुको सङ्ख्या बढ्दै जान थालेका छन् । भूकम्प गएको अढाइ बर्ष बढी समय वितिसक्दा पुननिर्माणको गति लिन नसकिरहेकै बेला उल्टै पीडितका गुनासाको चाङ लागेका छन् ।
प्राधिकरणको पछिल्लो तथ्याङ्क अनुसार हालसम्म दुई लाख भन्दा बढि गुनासाहरु दर्ता भएका छन् । त्यस्तै २ लाख ५ हजार ५ सय गुनासाहरु पुनरावलोकन गरिएको छ, भने सोही हाराहारीमा गुनासाहरु फ्छ्यौट गरिएको छ ।
पुननिर्माणमा ढिलाइ हुँदा गुनासो बढेको नभई लाभग्राही सूचीमा नपरेका कारण गुनासा आएको प्राधिकरणका प्रवक्ता यमलाल भूषालले क्यापिटल नेपाललाई बताए । ‘प्राधिकरणले १४ जिल्लामा ‘पुन मूल्याङ्कन’ गरेर लाभग्राही सूचीमा परेकालाई मात्र विभिन्न किस्ता वितरण गरेको छ’ उनले भने, ‘गुनासाहरु व्यवस्थापनका लागि प्राधिकरणले ठोस निर्णय लिन्छ।’ उनले हालसम्म ३ लाख ३२ हजार भन्दा बढि घर निर्माण हुँदै गरेको र १ लाख भन्दा बढि घर निर्माण भइसकेको बताए ।
हालसम्म ६ लाख ९१ हजार २ सय ५५ आवास निर्माणका लागि पहिलो किस्ता वितरण गरिएको छ । त्यस्तै २ लाख १९ हजार ७ सय ७१ ले दोस्रो किस्ता र ५१ हजार २ सय ७२ आवास निर्माणका लागि तेस्रो किस्ता वितरण भइसकेको प्राधिकरणले जनाएको छ ।
अहिले निजी आवास पुनर्निर्माणका लागि झन्डै ५६ हजार कामदार भूकम्प प्रभावित जिल्लामा खटिएका छन् । प्राधिकरणले पुननिर्माणलाई गति दिन ४१ हजार निर्माणकमी थपेको छ । प्राधिकरणले चैत मसान्तसम्मका लागि दोस्रो किस्ता लिने समयावधि तोकेको छ ।
