‘यसका लागि मयूर यातायात प्रालिले एक सय ३० ओटा नयाँ बस थप्दै छ,’ कम्पनी अध्यक्ष मोहन श्रेष्ठले क्यापिटल नेपालसँग कुराकानी गर्दै भने, ‘नयाँ बस बनाउन दिइसकेका छाैं । दुर्इ महिनाभित्र नेपालमा आइपुग्छ ।
राजधानीसहित बनेपासम्म सेवा दिँदै आएको मयूर यातयातले दुई महिनाभित्र ६ जिल्लामा सेवा सुरु गर्ने भएको छ । हाल काठमाडौं, भक्तपुर, ललितपुर हुँदै काभ्रेपलाञ्चोक जिल्लासम्म सेवा दिँदै आएको मयूरले निकट भविष्यमै दोलखा, रामेछाप, ओखलढुङ्गा, सोलुखुम्बु, पोखरा र लुम्बिनीमा पनि सेवा सुरु गर्ने तयारी थालेको हो ।
‘यसका लागि मयूर यातायत प्रालिले एक सय ३० ओटा नयाँ बस थप्दै छ,’ कम्पनी अध्यक्ष मोहन श्रेष्ठले क्यापिटल नेपालसँग कुराकानी गर्दै भने, ‘नयाँ बस बनाउन दिइसकेका छाैं । दुर्इ महिनाभित्र नेपालमा आइपुग्छ ।’
कम्पनीले दोलखा, रामेछाप, ओखलढुङ्गा र सोलुखुम्बु जिल्लालाई लक्षित एक सय ओटा ठूला आरमदायी आउन लागेको हो । त्यसैगरी, काठमाडौं–पोखरा–लुम्बिनीलाई रुट बनाएर चलाउन ३० ओटा नयाँ ठूला एसी बस ल्याउँदै छ ।
जेठ पहिलो हप्ता मयूरका २४ नयाँ बस
त्यसैगरी, मयूर यातायातले उपत्यकाभित्र पनि ४ नयाँ बस सञ्चालन गर्ने भएको छ । यी नयाँ थपिएका बसहरु आउँदो जेठ पहिलो सातादेखि उपत्यकामा सञ्चालन हुने मयूर यातायात प्रालिका श्रेष्ठले जानकारी दिए ।
‘अब २४ ओटा नयाँ बस सञ्चालनका तयारीमा छौँ,’ उनले भने, ‘आगामी जेठ पहिलो साताबाट उपत्यकाभर मयूरका ३७ र ४२ सिट क्षमताका बस सञ्चालनमा ल्याउछौँ ।’ उनका अनुसार अहिले सञ्चालनमा आउने २४ बसहरुमा रङरोगन हुँदैछन् । बसहरुको खरिद मूल्य भुक्तानी भइसकेको उनले बताए । ‘४२ सिट क्षमता भएका बस ५२ लाखमा र ३७ सिट भएका बस ४४ लाख रुपैँयामा खरिद गरेका हौँ,’ श्रेष्ठले भने, ‘यसपछि थप ४५ ओटा बस सञ्चालन गर्ने योजना छ ।’
नयाँ बसहरू चक्रपथ, रत्नपार्क, त्रिपुरेश्वर, टेकु, कालिमाटी, कलङ्की, थानकोट रुटमा चल्नेछन् । अहिले मयूर यातायातका २४ ओटा बसले उपत्यकावासीलाई सेवा दिइरहेका छन् । श्रेष्ठका अनुसार अबको केही महिनाभित्र उपत्यकामा मात्र नभई राजधानी बाहिर पनि मयूर यातायात सञ्चालन हुनेछन् । ‘अबको केही महिनाभित्र काठमाडौंदेखि खुर्कोट, रामेछाप, ओखल्ढुङगा आदि ठाउँहरुमा पनि सेवा दिन लागेका छौं,’ उनले भने ।
सिन्डिकेटको ठूलो बन्धन तोड्दै मयूर यातायात अहिले उपत्यकाका यात्रुहरुलाई सेवा दिइरहेको छ । अहिले रत्नपार्कदेखि बानेश्वर, कोटेश्वर हुँदै बनेपा धुलिखेलसम्म मयूर यातायातका बस चल्छन् । कम्पनीले अशक्त तथा ७० वर्षभन्दा माथिका ज्येष्ठ नागरिकहरूलाई निशुल्क सेवा दिने गर्छ ।
