रेल विभाग अन्तर्गत रेल चलाउन नमिल्ने भएकाले यसअघि स्थापना भएको रेल कम्पनीलाई नै पुनः सञ्चालन गरी सोही कम्पनीमार्फत रेल चलाउने तयारी गरिएको रेल विभगले जनाएको छ ।
काठमाडौं । बन्द अवस्थामा रहेको रेल कम्पनीलाई सरकारले पुनः सञ्चालन गर्ने तयारी गरेको छ । रेल विभाग अन्तर्गत रेल चलाउन नमिल्ने भएकाले यसअघि स्थापना भएको रेल कम्पनीलाई नै पुनः सञ्चालन गरी सोही कम्पनीमार्फत रेल चलाउने तयारी गरिएको रेल विभगले जनाएको छ ।
यसअघि जनकपुर जयनगरमा रेल सञ्चालनमा रहँदा रहेको रेल कम्पनीको नीति र संगठनात्मक संरचनाअनुसार नै अबको रेल सञ्चालन हुने विभागका महानिर्देशक बलराम मिश्रले जानकारी दिए । त्यस्का लागि रेल कम्पनीको नयाँ नीति, संगठनात्मक संरचना र रेल्वे ऐन स्वीकृतका लागि मन्त्रालयमा पठाइ सकिएको पनि उनले बताए ।
रेल्वे कम्पनीको पदेन अध्यक्ष रेल विभागको महानिर्देशक रहने व्यवस्था छ । यसबाहेक विभिन्न ७ ओटा मन्त्रालयका एक एक प्रतिनिधी कम्पनीको सदस्य रहन्छन् । उक्त कम्पनीलाई नयाँ किसिमले अघि बढाई रेल सञ्चालन गरिने मिश्रको भनाई छ । यसअघि रेल विभागअन्तर्गत रहेपनि नेपालमा रेल सञ्चालन बन्द भएपछि उक्त कम्पनी निष्क्रिय बनेको थियो ।
त्यस्तै, रेल सञ्चालनका लागि विभागले रेल्वे ऐन बनाएर स्वीकृतिका लागि पठाएको पनि उनले जानकारी दिए । यसअघिको रेल्वे ऐन २०२० लाई शंशोधन गर्दै नयाँ रेल्वे कानुन स्वीकृतीको चरणमा रहेको विभागले जनाएको छ ।
लामो समयदेखि रेल्वे कानुन बन्न सकेको थिएन् । उक्त कानुन मन्त्रिपरिषद्ले स्वीकृत गरेपछि रेल चलाउन सहज बाटो खुल्ने जानकारहरु बताउँछन् । अहिले जयनगरदेखि कुर्थासम्म रेल सञ्चालनको अन्तिम तयारीमा छ । त्यस्का लागि रेल्वे कम्पनी र रेल्वे कानुन आवश्यक पर्ने भएकाले विभागले योजना र प्रक्रिया अघि बढाइसकेको मिश्रको भनाइ छ ।
जयनगर कुर्थाको ३४ किलोमिटर खन्डको रेलका लागि ट्«याक तयार भई रेल खरिदका लागि सम्झौता भएर प्रक्रिया अघि बढेको छ । भारत सरकारको रेल्वे कम्पनीसँग खरिदका लागि सम्झौता र स्वीकृत भइसकेकाले रेल आउन मात्रै बाँकी छ ।
भारतबाट रेल आउनासाथ सञ्चालन गर्ने रेल विभागको योजना छ । त्यस्का लागि रेल्वे कम्पनी र ऐन आवश्यक पर्छ ।
